🎶🎥 விஜய்யின் கடைசி படம் ‘ஜனநாயகன்’: பிரம்மாண்ட இசை விழா இன்று

ஹெச். வினோத் இயக்கத்தில் நடிகர் விஜய் நடித்துள்ள ‘ஜனநாயகன்’ திரைப்படம் பொங்கல் பண்டிகையை முன்னிட்டு ஜனவரி 9-ம் தேதி திரையரங்குகளில் வெளியாக உள்ளது. கேவிஎன் புரொடக்ஷன்ஸ் தயாரித்துள்ள இப்படத்திற்கு இசையமைப்பாளர் அனிருத் இசையமைத்துள்ளார்.

விஜய் அரசியலில் முழுமையாக ஈடுபட உள்ளதால், ‘ஜனநாயகன்’ அவரது கடைசி திரைப்படமாக கருதப்படுகிறது. இதனால் படத்துக்கு ரசிகர்களிடையே பெரும் எதிர்பார்ப்பு உருவாகியுள்ளது. இப்படத்தின் பாடல் வெளியீட்டு விழா இன்று (டிசம்பர் 27) மலேசியா, கோலாலம்பூரில் பிரம்மாண்டமாக நடைபெறுகிறது.

இந்த நிகழ்ச்சியில் பங்கேற்பதற்காக நடிகர் விஜய் மலேசியா சென்றுள்ள நிலையில், விமான நிலையத்தில் அவருக்கு ரசிகர்கள் உற்சாக வரவேற்பு அளித்தனர். இந்த வரவேற்பு காட்சிகள் சமூக வலைதளங்களில் வேகமாக பரவி வருகின்றன.