“அரசன் ஹைப் தொடர்ந்து… சிம்பு அடுத்தது பிளாக்பஸ்டர் இயக்குநருடன்!”

நடிகர் சிம்பு தற்போது எஸ்.டி.ஆர் 49 மற்றும் வெற்றிமாறன் இயக்கும் அரசன் என்ற இரண்டு முக்கிய படங்களில் நடித்து வருகிறார். குறிப்பாக அரசன் படம், வடசென்னை திரைப்படத்தின் அதே உலகில் நடைபெறும் கதை என்பதால், STR ரசிகர்களிடையே அபாரமான ஹைப் உருவாகியுள்ளது. அரசன் டைட்டில் அனௌன்ஸ் வீடியோ வெளியானதும் சமூக வலைதளங்களில் அதிரடி வரவேற்பை பெற்றது. கதாபாத்திரமும், கெட்டியான கதை சொல்லலும், வெற்றிமாறன்–சிம்பு கூட்டணியுமாக படம் பற்றிய எதிர்பார்ப்பு நாளுக்கு நாள் அதிகரித்து வருகிறது.

இதற்கிடையில், அரசன் படத்திற்கு பிறகு சிம்பு அடுத்ததாக இயக்குநர் ஏ.ஆர். முருகதாஸ் உடன் இணையவிருப்பதாக செய்திகள் பரவி வருகின்றன. இது இன்னும் அதிகாரப்பூர்வ அறிவிப்பு எதுவும் இல்லாத நிலையிலேயே ரசிகர்களிடையே பெரிய அளவில் பேசப்படுகிறது. முருகதாஸ் முன்பும் பல பிளாக்பஸ்டர் படங்களை கொடுத்தவர் என்பதால், STR–ARM கூட்டணி நடந்தால் அது கொடுமை லெவல் மாஸாக இருக்கும் என ரசிகர்கள் உற்சாகமாக கருத்து தெரிவித்து வருகின்றனர்.

மேலும், இந்த ஆண்டு முருகதாஸ் இயக்கத்தில் வெளியான மதராஸி படத்துக்கும் நல்ல வரவேற்பு கிடைத்தது. அதனால், STR–ARM இணைப்பு நடக்கும் வாய்ப்பு அதிகம் என ரசிகர்கள் நம்பிக்கை கொண்டுள்ளனர். இந்த அப்டேட் தற்போது சமூக வலைதளங்களில் வைரலாகி, STR ரசிகர்களுக்கு ஒரு புதிய உற்சாகத்தை உருவாக்கியுள்ளது.