“நீக்கப்பட்ட காட்சிகள் மீண்டும்… ‘தி ராஜா சாப்’ மீண்டும் ஹாட் டாபிக்”

பிரபாஸ் நடித்த ‘தி ராஜா சாப்’ திரைப்படம் தற்போது ரசிகர்களின் கோரிக்கையால் மீண்டும் கவனத்தை ஈர்த்து வருகிறது. வெளியீட்டுக்கு முன்பு எடிட் செய்து நீக்கப்பட்டிருந்த சில முக்கிய காட்சிகள், குறிப்பாக பிரபாஸ் வயதான தோற்றத்தில் வரும் காட்சிகள் மற்றும் சில மாஸ் ஆக்ஷன் சீன்ஸ்கள், இப்போது திரையரங்குகளில் ஓடும் புதிய வெர்ஷனில் சேர்க்கப்பட்டுள்ளன. இதனால் படம் மீண்டும் புதிய அனுபவமாக ரசிகர்களுக்கு கிடைக்கிறது.

இந்த மாற்றம் திரையரங்குகளில் ரசிகர்களிடையே நல்ல வரவேற்பை பெற்றுள்ளதாக கூறப்படுகிறது. சமூக வலைதளங்களில் “புது வெர்ஷன்” பற்றிய விவாதங்கள் அதிகரித்து வரும் நிலையில், பலர் புதிதாக சேர்க்கப்பட்ட காட்சிகளை பாராட்டி வருகின்றனர். இந்த அப்டேட் காரணமாக ‘தி ராஜா சாப்’ படத்தின் வசூலும் மீண்டும் வேகமடையும் என திரையுலக வட்டாரங்கள் நம்பிக்கை தெரிவிக்கின்றன.