தமிழர்கள் நன்றியுள்ளவர்கள் – நடிகர் ரஜினிகாந்த் நெகிழ்ச்சி

பொது விழா ஒன்றில் தமிழர்கள் உழைப்பாளிகள் , புத்திசாலிகள் , நன்றி உள்ளவர்கள் என நடிகர் ரஜினிகாந்த் பேசியுள்ளது தற்போது செம வைரலாக வலம் வருகிறது .

அமெரிக்காவில் செயல்பட்டு வரும் தமிழ்நாடு அறக்கட்டளையின் பொன்விழாவில், காணொலி வாயிலாக கலந்துகொண்டு சூப்பர் ஸ்டார் ரஜினிகாந்த் கூறியதாவது :

அம்பானி, டாடா ஆகியோருடன் நெருங்கி பழகும் சந்தர்ப்பங்கள் எனக்கு கிடைத்துள்ளன. அப்படியே இந்த பக்கம் பிரதமர் வாஜ்பாய் முதல் மோடி வரை அவர்கள் அருகே அமர்ந்து டிபன் சாப்பிட்டு பேசும் வாய்ப்பு எனக்கு கிடைத்துள்ளது.

இவர்கள் அனைவரின் தனிப்பட்ட மேனேஜனர்கள், ஆலோசகர்களில் 70-75 சதவீதம் பேர் தமிழ் மக்களாக தான் இருக்கிறார்கள்.

தமிழர்கள் உழைப்பாளிகள் , புத்திசாலிகள் , நன்றி உள்ளவர்கள் இது இருப்பதால் தான் எங்கு சென்றாலும் தமிழர்கள் மகிழ்ச்சியாக இருக்கிறார்கள்.

2047-ல் இந்தியா வல்லரசு நாடாகும். உங்கள் கடமைகளை முடித்துவிட்டு இந்தியா வந்துவிடுங்கள். 50 ஆண்டுகளாக நான் சினிமாவில் நடித்து வருகிறேன். மகிழ்ச்சியாக இருக்கிறேன் என நடிகர் ரஜினிகாந்த் நெகிழ்ச்சியுடன் தெரிவித்துள்ளார்.