🔥 ரீ-ரிலீஸிலும் ராஜா! 15.5 கோடி வசூல் செய்த ‘படையப்பா’

1999ஆம் ஆண்டு வெளியான தமிழ் சினிமாவின் இண்டஸ்ட்ரி ஹிட்டான படையப்பா, ரீ-ரிலீஸாக மீண்டும் திரையரங்குகளில் வெளியாகி ரசிகர்களிடையே பெரும் வரவேற்பை பெற்று வருகிறது. சூப்பர்ஸ்டார் ரஜினிகாந்தின் மாஸ் நடிப்பு, கே. எஸ். ரவிக்குமாரின் இயக்கம், ஏ.ஆர். ரஹ்மானின் இசை ஆகியவை இன்றும் ரசிகர்களை கவரும் வகையில் இருப்பதை இந்த ரீ-ரிலீஸ் நிரூபித்துள்ளது.

திரையரங்குகளில் விசில், கைதட்டல், நடனம் என ரசிகர்கள் திருவிழா போல் கொண்டாடிய காட்சிகள் சமூக வலைதளங்களில் வைரலாகி வருகின்றன. இதன் எதிரொலியாக, படம் ரீ-ரிலீஸில் உலகளவில் இதுவரை சுமார் ரூ. 15.5 கோடி வசூல் செய்துள்ளதாக தகவல் வெளியாகியுள்ளது. 25 ஆண்டுகளுக்கு பிறகும் படையப்பா காட்டும் இந்த மாபெரும் வரவேற்பு, ரஜினிகாந்தின் ரசிகர் வட்டத்தின் வலிமையை மீண்டும் ஒருமுறை வெளிப்படுத்தியுள்ளது.