மக்களின் மனம் கவர்ந்த சசிகுமாரின் நந்தன் திரைப்படம் – மனதார பாராட்டிய ரஜினிகாந்த்..!!

சசிக்குமார் நடிப்பில் வெளியான ‘நந்தன்’ திரைப்படத்திற்கு நடிகர் ரஜினிகாந்த் மனதார பாராட்டு தெரிவித்துள்ளார்.

சசிகுமார் நடிப்பில் கடந்த மாதம் 20 ஆம் தேதி திரையரங்குகளில் வெளியான திரைப்படமே நந்தன் . இப்படம் வெளியான நாள் முதல் ரசிகர்கள் மத்தியில் நல்ல வரவேற்பை பெற்று வரும் நிலையில் படத்தின் வசூலும் நாளுக்கு நாள் உயர்ந்து மாபெரும் வெற்றிப்படமாக உருவெடுத்தது.

இந்நிலையில் திரையரங்குகளில் வெற்றிகரமாக ஓடிய நந்தன் திரைப்படமே OTT யிலும் நல்ல வரவேற்பை பெற்ற நிலையில் இந்த படத்தை பார்த்த நடிகர் ரஜினிகாந்த் தற்போது நந்தன் திரைப்படத்தையும் படக்குழுவையும் மனதார பாராட்டி உள்ளார்.

இதற்கு நன்றி தெரிவித்துள்ள நடிகர் சசிகுமார் கூறியதாவது :

நந்தனது தைரியத்தையும் உழைப்பையும் பாராட்டியதோடு, படக்குழுவினரை தொலைபேசியில் அழைத்து அகம் திறந்து வாழ்த்திய சூப்பர்ஸ்டார் ரஜினிகாந்த் அவர்களுக்கு நெஞ்சார்ந்த நன்றி என சசிகுமார் தெரிவித்துள்ளார்.