ரகசிய டாஸ்க் மூலம் பிக் பாஸ் வீட்டை தலைகீழாக மாற்றிய சாண்ட்ரா!

Bigg Boss 9 Tamil: பிரபல தொலைக்காட்சி நிகழ்ச்சியான பிக் பாஸ் தமிழ் சீசன் 9 தற்போது 30 நாட்களை கடந்துள்ளது. தொடக்கம் முதல் மெல்லமெல்ல வேகம் பிடித்த இந்த சீசன், கடந்த வாரம் நான்கு புதிய வைல்டு கார்டு போட்டியாளர்கள் நுழைந்ததிலிருந்து இன்னும் அதிக சலசலப்பை ஏற்படுத்தியுள்ளது. புதிய போட்டியாளர்கள் வருகையால், வீட்டுக்குள் புதிய கூட்டணிகள் உருவாகி, பழைய உறவுகள் சிதறி, ஒவ்வொரு நாளும் எதிர்பாராத திருப்பங்களால் ரசிகர்கள் ஆவலுடன் பார்க்கும் நிலையிலிருக்கிறார்கள்.

அந்தநேரத்தில், பிக் பாஸ் சில ரகசிய டாஸ்க் மூலம் நிகழ்ச்சியை மேலும் சுவாரஸ்யமாக்கி வருகிறார். குறிப்பாக, குக்கிங் டீம் தலைவராக உள்ள சாண்ட்ராவிடம் பிக் பாஸ் கொடுத்த சீக்ரெட் டாஸ்க் மிகப் பெரும் பேசுபொருளாகியுள்ளது. அந்த டாஸ்க் – வீட்டில் உள்ள ஒருவரை வேலையை விட்டு வெளியேறச் செய்ய வேண்டும் அல்லது அவரின் பொறுப்பை மாற்ற வைக்க வேண்டும் என்பதாக இருந்தது. மற்ற யாருக்கும் தெரியாமல் இதை சாதிக்க வேண்டிய சவாலை சாண்ட்ரா மிகவும் நுணுக்கமாக அணுகினார்.

இதன்படி, சபரியுடன் ஏற்பட்ட சிறிய வாக்குவாதம் பெரிய பிரச்சனையாக மாறி, அவர் “இனி சிலையாக நிற்க முடியாது” என கூறி தன் பொறுப்பை விட்டு வெளியேறினார். இதையடுத்து, புதிய மேனேஜராக விக்கல்ஸ் விக்ரம் நியமிக்கப்பட்டார். ஆனால் அவர் கூட சில மணி நேரங்களில் மனஅழுத்தத்தால் ராஜினாமா செய்துவிட்டார். இதனால், சாண்ட்ரா தன் ரகசிய டாஸ்கை யாருக்கும் தெரியாமல் திறமையாக நிறைவேற்றியுள்ளார் என்று தெரிகிறது.

இப்போது பிக் பாஸ் வீட்டுக்குள் சாண்ட்ராவின் தந்திரமான விளையாட்டு பெரிய விவாதமாக மாறியுள்ளது. ரசிகர்கள் ஒருபக்கம் “சாண்ட்ரா சூப்பர் பிளேர்!” என்று பாராட்ட, மற்றொருபக்கம் “அவள் மிகத் தந்திரமானவர்!” என்று விமர்சிக்கின்றனர். ஆனால் அனைவருக்கும் ஒரே கேள்வி — பிக் பாஸ் அடுத்ததாக என்ன டாஸ்க் கொடுக்கப் போகிறார்? எந்த கூட்டணிகள் உடையும், யார் அடுத்த இலக்காக மாறுவார்? என எதிர்பார்ப்புடன் ரசிகர்கள் காத்திருக்கின்றனர்.