ராஜ்குமார் பெரியசாமி படத்தில் சாய் பல்லவி? அமரன் ஜோடி ரிட்டர்ன்!

தென்னிந்திய சினிமாவில் தனக்கான தனி ரசிகர் வட்டத்தை உருவாக்கியுள்ள சாய் பல்லவி, கடந்த ஆண்டு வெளியான அமரன் படத்தின் மூலம் மாபெரும் வெற்றி பெற்றார். தற்போது பிரம்மாண்டமான ராமாயணா படத்தில் சீதை கதாபாத்திரத்தில் நடித்து வருகிறார்.

இந்த நிலையில், இவரின் அடுத்த தமிழ் படம் குறித்து புதிய அப்டேட் வெளியாகியுள்ளது. அமரன் படத்தை இயக்கிய ராஜ்குமார் பெரியசாமி, அடுத்ததாக தனுஷை வைத்து இயக்கும் D55 படத்தின் முன் தயாரிப்பு வேலையில் இருக்கிறார்.

தலைப்பு இன்னும் அறிவிக்கப்படாத இந்த படத்தில், கதாநாயகியாக சாய் பல்லவியை சேர்க்க பேச்சுவார்த்தைகள் நடைபெற்று வருவதாக தகவல். அமரன் வெற்றிக்குப் பிறகு ராஜ்குமார் பெரியசாமி – சாய் பல்லவி கூட்டணி மீண்டும் உருவாகும் வாய்ப்பு மிக அதிகமாக இருப்பதாக கூறப்படுகிறது.