புரட்சி, அதிகாரம், மோதல்… ‘பராசக்தி’ படத்தின் கதை குறித்து பரபரப்பு!

இயக்குநர் சுதா கொங்கரா இயக்கத்தில், சிவகார்த்திகேயன், ரவி மோகன், அதர்வா, ஸ்ரீலீலா ஆகியோர் முக்கிய கதாபாத்திரங்களில் நடித்துள்ள திரைப்படம் ‘பராசக்தி’. ஜி.வி. பிரகாஷ் குமார் இசையமைத்துள்ள இந்த படம், ரசிகர்களிடையே மிகப் பெரிய எதிர்பார்ப்பை ஏற்படுத்தியுள்ளது.

2026 ஆம் ஆண்டு ஜனவரி 14 அன்று, பொங்கல் பண்டிகை வெளியீடாக திரையரங்குகளில் வெளியாகவுள்ள இப்படத்தின் பாடல்கள் இதுவரை நல்ல வரவேற்பை பெற்றுள்ளன. மேலும், விரைவில் நடைபெறவுள்ள இசை வெளியீட்டு விழா மிகவும் பிரம்மாண்டமாக நடத்தப்படவுள்ளதாக தகவல்கள் வெளியாகியுள்ளன.

இந்த நிலையில், ‘பராசக்தி’ படத்தின் கதைக்களம் இதுதான் எனக் கூறி ஒரு தகவல் சமூக வலைத்தளங்களில் தீவிரமாக உலா வருகிறது.

அந்த தகவலின்படி, முன்னாள் மெட்ராஸ் மாநிலத்தில் நடைபெற்ற குடிமக்கள் மறுப்பு போராட்ட காலத்தை பின்னணியாகக் கொண்டு இந்த கதை அமைந்துள்ளதாக கூறப்படுகிறது. புரட்சியாளர்களை ஒழிக்க வேண்டும் என்ற நோக்குடன், கொடூரமும் புத்திசாலித்தனமும் கொண்ட ஒரு அதிகாரி களத்தில் இறங்குகிறார்.

இதில் செழியன் மற்றும் அவரது சகோதரர் சின்னதுரை — இருவரும் முற்றிலும் மாறுபட்ட குணநலன்களை கொண்டவர்கள். ஒருவர் அமைதியாக வாழும், கடினமாக உழைக்கும் தீயணைப்பாளர்; மற்றொருவர் அரசுக்கு எதிராக போராடும் ஒரு புரட்சியாளர். இவர்களுக்கிடையே உயிர் ஆபத்தான பூனை–எலி துரத்தல் தொடங்குகிறது.

தன் மக்களையும் குடும்பத்தையும் காப்பாற்ற, அமைதியான வாழ்க்கையை விட்டு விலக வேண்டிய நிலைக்கு செழியன் தள்ளப்படுகிறார். இறுதியில், அநீதிக்கும் வலிமையான அதிகார சக்திகளுக்கும் எதிராக அவர் நடத்தும் கொடூரமான இறுதி போராட்டமே ‘பராசக்தி’யின் உச்சக் கட்டம் என சொல்லப்படுகிறது.

ஆனால், இந்த கதைக்களம் உண்மையிலேயே படத்தின் மையக்கருவா? அல்லது ரசிகர்களின் ஊகமா? என்பது குறித்து அதிகாரப்பூர்வ அறிவிப்பு எதுவும் வெளியாகவில்லை என்பதால், இந்த தகவல் வதந்தியா அல்லது உண்மையா என்பதை பொறுத்திருந்து பார்க்க வேண்டும்.