ஓஜி பாக்ஸ் ஆபீஸில் புது சாதனை – கூலியை முந்திய பவன் கல்யாண் படம்!

பவன் கல்யாணின் ஓஜி திரைப்படம் முதல் நாளிலேயே செம கலெக்‌ஷன் சாதனை படைத்து டோலிவுட் பாக்ஸ் ஆபீஸை கிளப்பி வருகிறது. கலவையான விமர்சனங்கள் வந்த நிலையிலும், ரசிகர்கள் எதிர்பார்த்த பக்காவான மாஸ் எண்டர்டெயினரை சுஜித் கொடுத்ததால், திரையரங்குகள் முழுவதும் ஹவுஸ்ஃபுல் நிலை நிலவுகிறது.

முதல் நாள் வசூல்:

• ப்ரீமியர் காட்சியிலேயே: ₹20.25 கோடி
• இந்திய அளவில் முதல் நாள் வசூல்: ₹70 கோடி
• மொத்தம் (ப்ரீமியர் + முதல் நாள்): ₹90.25 கோடி (Early Estimates)

பாக்ஸ் ஆபிஸ் வட்டாரங்கள் தெரிவிப்பதாவது, இந்தியாவில் மட்டும் ₹100 கோடி வசூலை நெருங்கியிருப்பதாகும்.

கூலியின் சாதனையை முந்தியது:

இந்த ஆண்டு ஆகஸ்ட் 14-ம் தேதி வெளியான ரஜினிகாந்தின் கூலி முதல் நாளில் ₹151 கோடி வசூலை ஈட்டியது. ஆனால் பவன் கல்யாணின் ஓஜி, இந்தியா மற்றும் ஓவர்சீஸ் சேர்த்து, சுமார் ₹152 – ₹155 கோடி வரை வசூலித்து, அந்த சாதனையை முறியடித்திருப்பதாக தகவல்கள் வெளியாகி உள்ளன.

ரசிகர்கள் மற்றும் பிரபலங்களின் பாராட்டு:

ஓஜி வெற்றியை கொண்டாடி, நடிகர் ராம்சரண் பவன் கல்யாணுக்கு வாழ்த்து தெரிவித்துள்ளார். அதேபோல், நானி “Original Giant – Box Office Destructor” என ட்வீட் செய்து படத்தை பாராட்டியுள்ளார்.

பட்ஜெட் & விஷுவல்ஸ்:

₹250 கோடி பட்ஜெட்டில், சுஜித் இயக்கத்தில் பவன் கல்யாண், ஹிம்ரான் ஹாஷ்மி, பிரியங்கா மோகன் நடித்திருக்கும் இந்த படத்தில், விசுவல் எஃபெக்ட்ஸ் செம லெவலில் அமைந்துள்ளது.

அதிகாரப்பூர்வ அறிவிப்பு விரைவில்:

DVV எண்டர்டெயின்மெண்ட் சார்பில், ஓஜி முதல் நாள் அதிகாரப்பூர்வ வசூல் போஸ்டர் இன்று வெளியாகும் என எதிர்பார்க்கப்படுகிறது. இதன்மூலம், பவன் கல்யாணின் ஓஜி – Mega Blockbuster எனும் பெயரை உறுதிப்படுத்தப்போவதாக ரசிகர்கள் கொண்டாடி வருகின்றனர்.