நயன்தாரா – விக்னேஷ் சிவன் திருமண வீடியோ ரிலீஸ் தேதி அறிவிப்பு..!!

காதலித்து திருமணம் செய்துகொண்ட நயன்தாரா – விக்னேஷ் சிவன் ஆகியோரின் திருமண வீடியோ குறித்த ரிலீஸ் தேதியை நெட்பிலிக்ஸ் நிறுவனம் அறிவித்துள்ளது.

தென்னிந்திய சினிமாவின் லேடி சூப்பர்ஸ்டாராக வலம் வருபவர் நடிகை நயன்தாரா. இவரும் தமிழ் சினிமாவில் பிரபல இயக்குனராக வலம் வரும் விக்னேஷ் சிவனும் நீண்ட நாட்களாக சத்தமின்றி காதலித்து வந்த நிலையில் கடந்த 2022-ம் ஆண்டு ஊரறிய உலகறிய திருமணம் செய்துகொண்டனர் .

பல முன்னணி நட்சத்திரங்கள் புடைசூழ பிரம்மாண்டமாக நடைபெற்ற இவர்களின் திருமண வீடியோவின் உரிமையை நெட்பிலிக்ஸ் நிறுவனம் கைப்பற்றியது.

இந்நிலையில் இவர்களுக்கு திருமணமாகி 2 அழகிய குழந்தைகள் இருக்கும் நிலையில் தற்போது வரை இவர்களின் திருமண வீடியோ வெளியாகவில்லை.

இந்நிலையில், இந்த திருமண வீடியோ நயன்தாராவின் பிறந்த நாள் அன்று ( நவம்பர் 18 ஆம் தேதி ) வெளியாகும் என்று அறிவிக்கப்பட்டுள்ளது.

இது குறித்த அறிவிப்பை வெளியிட்டுள்ள நெட்பிளிக்ஸ், ‘திரையிலும் நட்சத்திரம், வாழ்க்கையிலும் நட்சத்திரம்.. நயன்தாராவின் திருமண வீடியோவை காண தயாராகுங்கள்’ என்று குறிப்பிடப்பட்டுள்ளது.