100 கோடி கிளப்பில் ‘மதராஸி’ – சிவகார்த்திகேயனின் 4வது செஞ்சுரி!

சிவகார்த்திகேயன் நடித்த ‘மதராஸி’ திரைப்படம், 2 நாட்களில் 50 கோடி வசூல் செய்து வேகமான தொடக்கத்தை பெற்றது. இன்று, தயாரிப்பு நிறுவனம் ஸ்ரீ லக்ஷ்மி மூவிஸ் அதிகாரப்பூர்வமாக, படம் 100 கோடி வசூலை தாண்டியதாக அறிவித்துள்ளது. இதன் மூலம், சிவகார்த்திகேயனுக்கு இது நான்காவது 100 கோடி கிளப் படம் என்ற பெருமை சேர்த்துள்ளது.

ஏ.ஆர். முருகதாஸ் இயக்கத்தில் உருவான இந்த கமர்ஷியல் ஆக்ஷன் படத்தில், சிவகார்த்திகேயனுடன் ருக்மணி வசந்த், பிஜு மேனன், வித்யூத் ஜமால், ஷபீர் கல்லரக்கல் நடித்துள்ளனர். படத்துக்கு கலவையான விமர்சனங்கள் கிடைத்தாலும், ரசிகர்களிடம் நல்ல வரவேற்பை பெற்றது.

தொடக்கத்தில் அதிவேகமாக ஓடிய வசூல், மூன்று நாட்களுக்கு பின் சற்றே குறைந்தது. ஆனாலும், தினசரி நிலையான வசூலின் மூலம், படம் 2 வாரங்களில் 100 கோடியை எட்டி சாதனை படைத்துள்ளது.

ரஜினிகாந்தின் ‘தர்பார்’ மற்றும் சல்மான் கானின் ‘சிக்கந்தர்’ போன்ற படங்கள் தோல்வியடைந்த நிலையில், முருகதாஸ் இயக்கிய ‘மதராஸி’ 100 கோடி அடைந்திருப்பது அவரது கம்பேக் என ரசிகர்கள் கொண்டாடுகின்றனர்.