திரையரங்கில் குறைந்த வரவேற்பு, OTT-யில் பெரும் வரவேற்பு — சக்தி திருமகன் சாதனை

Sakthi Thirumagan: இயக்குநர் அருண் பிரபு இயக்கத்தில், விஜய் ஆண்டனி நடிப்பில் உருவான இந்த திரைப்படம் ஒரு வித்தியாசமான அரசியல் சமூகத் தளத்தில் அமைந்த கதை. செப்டம்பர் 5ஆம் தேதி வெளியான இப்படம், ஆரம்பத்தில் திரையரங்கில் மிகுந்த கவனத்தை ஈர்க்கவில்லை. ஆனால், OTT-யில் வெளியாகிய பின், பலரும் இப்படத்தை கண்டுகளித்து பாராட்டத் தொடங்கியுள்ளனர்.

“இப்படி சிந்தனைக்குத் தூண்டல் அளிக்கும் படத்தை திரையரங்கில் பார்க்காமலே விட்டுவிட்டோம்” என்று வருத்தப்பட்டு பதிவுகள் போட்டுள்ளனர். இந்நிலையில், தமிழ் திரைப்பட உலகின் முன்னணி இயக்குநர்களில் ஒருவரான ஷங்கர், தன்னுடைய X (முன்னாள் ட்விட்டர்) பக்கத்தில் சக்தி திருமகன் குறித்து பாராட்டுக்களால் நிறைந்த பதிவை வெளியிட்டுள்ளார்.

“சக்தி திருமகன் படத்தை Jio Hotstarr OTT-யில் பார்க்க நேர்ந்தது. சிந்தனைக்கு இடம் தரும், சவாலான கேள்விகளை எழுப்பும் படம் இது. இயக்குநர் அருண் பிரபு முன்வைத்த கேள்விகள் மிகவும் நியாயமானவை; சமுதாயம் யோசிக்க வேண்டிய முக்கியமான விஷயங்களைத் தொட்டிருக்கிறார். பல பிரச்சினைகளை ஒரே படத்தில் சிறப்பாக விவாதித்திருக்கிறார். கதை எதிர்பாராத திசையில் தீவிரமடைந்தது மிகவும் ஈர்க்கும் வகையில் இருந்தது.

இயக்குநர் அருண் பிரபுவுக்கு ஹாட்ஸ் ஆஃப்! விஜய் ஆண்டனிக்கும், படக்குழுவினருக்கும் இதயம் கனிந்த வாழ்த்துக்கள். இந்த பதிவு தற்போது சமூக வலைதளங்களில் வைரலாகி வருகிறது. ஷங்கர் போன்ற ஒரு முன்னணி இயக்குநரின் பாராட்டை பெற்றிருப்பது, சக்தி திருமகன் குழுவிற்கு ஒரு பெரிய உற்சாகமாக மாறியுள்ளது.

OTT-யில் இப்படம் பற்றிய விமர்சனங்களும் பெருமளவில் நேர்மறையாகவே இருக்கின்றன. ரசிகர்கள் குறிப்பிடுவது: விஜய் ஆண்டனியின் நடிப்பு உண்மையுணர்வுடன் கூடியது.சமூக அரசியல் கோணத்தில் வித்தியாசமான முயற்சி.சினிமா சுவையில் சிந்தனைக்கு ஊக்கம் தரும் வகையில் வடிவமைக்கப்பட்டிருக்கிறது.

இப்படி, திரையரங்கில் குறைந்த வரவேற்பு பெற்றிருந்த சக்தி திருமகன், தற்போது OTT தளத்தில் ரசிகர்களிடம் “பட்டையை கிளப்பும்” வெற்றியைச் சந்தித்து வருகிறது.