கும்பமேளா வைரல் பெண் மோனாலிசா திருமணம் – குடும்பம் எதிர்ப்பு

மகா கும்பமேளாவில் ருத்ராட்ச மாலைகள் விற்பனை செய்த ஒரு சாதாரண வீடியோ வைரலானதன் மூலம் நாடு முழுவதும் ஒரே இரவில் பிரபலமானவர் மோனாலிசா போஸ்லே. மத்யப் பிரதேசத்தின் இந்தூரைச் சேர்ந்த இந்த இளம் பெண் சமூக வலைதளங்களில் பெரும் கவனம் பெற்ற நிலையில், தற்போது அவரைச் சுற்றி மேலும் ஒரு பரபரப்பான தகவல் வெளியாகியுள்ளது. தகவல்களின் படி, மோனாலிசா தனது காதலர் பார்மான் கானை கேரளாவின் திருவனந்தபுரத்தில் உள்ள ஒரு கோவிலில் ரகசியமாக திருமணம் செய்து கொண்டதாக கூறப்படுகிறது.

குடும்பத்தினரின் எதிர்ப்பு காரணமாக இந்த முடிவை எடுத்ததாகவும், தங்களது பாதுகாப்பிற்காக இருவரும் கேரள போலீசிடம் பாதுகாப்பு கோரியுள்ளதாகவும் தகவல்கள் வெளியாகியுள்ளன. கும்பமேளா விழாவில் ருத்ராட்ச மாலைகள் விற்றுக்கொண்டிருந்த போது எடுக்கப்பட்ட ஒரு வீடியோ சமூக வலைதளங்களில் வைரலானதன் மூலம் மோனாலிசா திடீரென தேசிய அளவில் பேசப்பட்ட நபராக மாறினார். தற்போது அவரின் இந்த ரகசிய திருமண செய்தி மீண்டும் சமூக வலைதளங்களில் வேகமாக பரவி, பல்வேறு விவாதங்களுக்கும் கருத்து பரிமாற்றங்களுக்கும் வழிவகுத்து வருகிறது.