“மண்தொடா.. மண்டியிடா..!” 3 நாட்களில் 100 கோடி வசூலை கடந்த ‘கங்குவா’ – தயாரிப்பு நிறுவனம் அதிகாரப்பூர்வ அறிவிப்பு..!!

சூர்யாவின் கங்குவா திரைப்படம் வெளியான 3 நாட்களில் 100 கோடி வசூலை கடந்து வெற்றிநடை போட்டு வருவதாக தயாரிப்பு நிறுவனம் அதிகாரப்பூர்வ அறிவிப்பை வெளியிட்டுள்ளது.

தமிழ் சினிமாவின் மிரட்டல் நாயகனான சூர்யாவின் துணிச்சல் மிகு நடிப்பில் மிக பிரம்மாண்டமாக உருவான திரைப்படமே கங்குவா .

அஜித் , கார்த்தி என பல முன்னணி நடிகர்களை வைத்து சூப்பர் ஹிட் படங்களை இயக்கிய சிறுத்தை சிவா இயக்கத்தில் உருவான இப்படத்தை UV கிரியேஷன்ஸ் மற்றும் ஸ்டூடியோ கிரீன் நிறுவனங்கள் பிரம்மாண்ட பொருட் செலவில் தயாரித்துள்ளது.

சூர்யா , திஷா பதானி, பாபி தியோல், யோகி பாபு, ரெடின் கிங்ஸ்லி என ஏராளமான திரை நட்சத்திரங்களின் கடின உழைப்பில் உருவான இப்படம் கடந்த 14 ஆம் தேதி உலகெங்கும் உள்ள 11 ஆயிரத்திற்கும் மேற்பட்ட திரையரங்குகளில் கோலாகலமாக வெளியானது.

ரசிகர்களின் ஆரவாரத்துடன் திரையரங்குகளில் கோலாகலமாக வெளியான இப்படத்திற்கு ரசிகர்கள் மத்தியில் கலவையான விமர்சனங்கள் வந்துகொண்டிருக்கும் நிலையில் தயாரிப்பு நிறுவனம் தற்போது இப்படத்தின் அதிகாரப்பூர்வ வசூல் விவரத்தை வெளியிட்டுள்ளது .

அதன்படி உலகம் முழுவதும் உள்ள பல ஆயிரக்கணக்கான திரையரங்குகளில் சிறப்பாக ஓடிக்கொண்டிருக்கும் கங்குவா திரைப்படம் உலகம் முழுவதும் வெளியான 3 நாட்களில் 127.64 கோடி வசூலைப் பெற்றுள்ளதாக சிறப்பு போஸ்டர் மூலம் படக்குழு அறிவித்துள்ளது.