நல்ல நடிப்புடன் கூடிய ஜாலியான படம் – ‘லப்பர் பந்து’ படக்குழுவுக்கு இயக்குநர் கார்த்திக் சுப்பராஜ் பாராட்டு..!!

திரையரங்குகளில் வெளியாகி ரசிகர்களின் மனம்கவர்ந்த லப்பர் பந்து திரைப்படத்தை பார்த்த இயக்குநர் கார்த்திக் சுப்பராஜ் படத்தையும் படக்குழுவையும் வெகுவாக பாராட்டி உள்ளார்.

தமிழ் சினிமாவில் அறிமுக இயக்குநராக களமிறங்கி உள்ள தமிழரசன் பச்சமுத்து இயக்கத்தில் பிரின்ஸ் பிக்சர்ஸ் தயாரிப்பில் உருவான திரைப்படமே ‘லப்பர் பந்து’ .

ஹரிஷ் கல்யாண் , அட்டகத்தி தினேஷ் உள்ளிட்ட பல இளம் நட்சத்திரங்கள் ஒன்றிணைந்து நடித்துள்ள இப்படம் ரசிகர்களின் மாபெரும் வரவேற்பை பெற்று வெற்றி படமாக உருவெடுத்தது .

ரசிகர்களை தாண்டி இப்படத்தை திரை நட்சத்திரங்கள் பலரும் கண்டுகளித்து தங்களது பாராட்டுகளை தெரிவித்தனர் . அந்தவகையில் லப்பர் பந்து திரைப்படத்தை பார்த்த இயக்குநர் கார்த்திக் சுப்பராஜ் படத்தையும் படக்குழுவையும் வெகுவாக பாராட்டி உள்ளார்.

நல்ல நடிப்புடன் கூடிய ஜாலியான படம் ‘லப்பர் பந்து’. ‘கெத்து’ தினேஷின் ஆட்டத்தை ரசித்தேன். அற்புதமான படத்தை வழங்கிய அறிமுக இயக்குநர் தமிழரசன் பச்சமுத்து மற்றும் படக்குழுவுக்கு வாழ்த்துகள் என கார்த்திக் சுப்பராஜ் தெரிவித்துள்ளார்.