காதலை திருமணமாக்கிய பிக் பாஸ் பிரபலம் ஜூலி

ஜூலி திருமணம் செய்து கொண்டதாக வெளியான தகவல் தமிழ் திரையுலகிலும் ரசிகர்களிடமும் பெரும் கவனத்தை பெற்றுள்ளது. ஜல்லிக்கட்டு போராட்டத்தின் போது தனது செயற்பாடுகள் மூலம் பொதுமக்கள் மத்தியில் அறிமுகமான ஜூலி, அதன் பின்னர் Bigg Boss Tamil நிகழ்ச்சியில் பங்கேற்று தனித்துவமான கருத்துகள் மற்றும் வெளிப்படையான அணுகுமுறையால் அதிக பேசுபொருளாக மாறினார்.

இந்த நிலையில், அவர் தனது நீண்டநாள் காதலனான முகமது ஜக்ரிம்-ஐ திருமணம் செய்து கொண்டு புதிய வாழ்க்கை தொடங்கியுள்ளார். கடந்த டிசம்பர் மாதம் நிச்சயதார்த்தம் நடைபெற்ற நிலையில், ஜனவரி 16-ஆம் தேதி சென்னையில் திருமண விழா எளிமையாகவும் மரியாதைக்குரிய முறையிலும் நடைபெற்றதாக தகவல்கள் தெரிவிக்கின்றன.

முஸ்லீம் மற்றும் கிறிஸ்தவ மரபுகளை இணைத்து நடத்தப்பட்ட இந்த திருமண விழாவில், இரு குடும்பத்தினரும், நெருங்கிய உறவினர்கள் மற்றும் நண்பர்கள் கலந்து கொண்டு புதுமண தம்பதிகளை மனமார வாழ்த்தினர். சமூக வலைதளங்களில் ஜூலிக்கு வாழ்த்துக்கள் குவிந்து வரும் நிலையில், அவரது புதிய வாழ்க்கை பயணம் குறித்து ரசிகர்கள் மகிழ்ச்சியும் ஆதரவும் தெரிவித்து வருகின்றனர்.