பிக் பாஸ் 9 பிராங்க் சர்ச்சை – பிரஜின் மீது சுசித்ராவின் விமர்சனம்!

Bigg Boss 9 Tamil: பிக் பாஸ் சீசன் 9 இப்போது தான் ரசிகர்களுக்கு சுவாரஸ்யமாக மாறியுள்ளது. கடந்த சில வாரங்கள் மிகவும் மந்தமாக இருந்த நிலையில், இந்த வாரம் “ஹோட்டல் டாஸ்க்” மூலம் 24 மணி நேரமும் போட்டியாளர்களை ஈடுபடுத்திய பிக் பாஸ் குழுவின் முயற்சி பாராட்டுக்குரியது. ஆனால், இந்த வாரத்தில் நடந்த ஒரு “பிராங்க்” சம்பவம் மிகப்பெரிய சர்ச்சையை ஏற்படுத்தியுள்ளது.

பிரஜின், பிரவீன் மற்றும் கமருதீன் மூவரும் இணைந்து சண்டையிடுவது போல நடித்து, மற்ற போட்டியாளர்களை ஏமாற்றினர். இது ஒரு பிராங்க் என பிக் பாஸிடம் மட்டும் தெரிவித்தனர்; ஆனால் மற்றவர்களுக்கு அது தெரியாது.

இந்த “சண்டை” காட்சியைப் பார்த்த பிரஜினின் மனைவியும் போட்டியாளருமான சாண்ட்ரா, எமி மனஉளைச்சலுக்கு ஆளாகி கதறி அழுதார். “நமக்கு இரண்டு குழந்தைகள் இருக்கிறார்கள், இப்படி சண்டை வேண்டாம்” என்று கூறி உணர்ச்சிவசப்பட்டார். ஆனால், சாண்ட்ரா இவ்வாறு அழும் போதிலும், பிரஜின் இது ஒரு பிராங்க் தான் என்று தெரிவிக்காமல் அமைதியாக இருந்தது அனைவரையும் அதிர்ச்சியடையச் செய்தது.

இதைப் பற்றியே பாடகி சுசித்ரா கடுமையாக விமர்சித்துள்ளார்.
அவர் கூறியதாவது:

“சாண்ட்ரா மனஅழுத்தத்தில் அழும் போது, கணவனான பிரஜின் கூட உண்மையைச் சொல்லவில்லை. இது ஒரு கன்றாவியான (கடுமையாக மனமில்லாத) புருஷனின் நடத்தை. சாண்ட்ராவை தனியாக அழைத்து சென்று அது பிராங்க் தான் என்று சொல்லியிருக்கலாமே. ஏன் அதைச் செய்யவில்லை? பிராங்க் இவ்வளவு முக்கியமா? ஒருவரை மனதளவில் பாதிக்கக்கூடிய அளவுக்கு போக வேண்டியதா?”

சுசித்ராவின் இந்த கருத்துக்கு சிலர் ஆதரவு தெரிவித்துள்ளனர். அதேசமயம், சிலர் “பிரஜின் மட்டும் அல்ல, மற்ற இருவரும் பிராங்கில் இருந்ததால் அவர் ஒருவராக அதை உடைத்தால் டாஸ்க் பாதிக்கப்படும் என்பதால்தான் அமைதியாக இருந்திருக்கலாம்” என்றும் கூறுகின்றனர்.

இதையடுத்து, இந்த பிராங்க் சம்பவத்தை பற்றி விஜய் சேதுபதி வார இறுதி எபிசோடில் கேள்வி எழுப்பவிருக்கிறார் என தெரிகிறது. இதனால் பிக் பாஸ் இல்லம் மீண்டும் ஒரு பெரிய திருப்பத்தை சந்திக்க உள்ளது.