பிக் பாஸ்‌இல் வெடித்த முதல் வெடி! – திவாகர், கெமி இடையே கடும் வாக்குவாதம்!

பிக் பாஸ் சீசன் 9, நேற்றைய தினம் (அக். 5) மிகுந்த கோலாகலத்துடன் திரைஇலக்கிய ரசிகர்களின் பெரும் எதிர்பார்ப்பில் துவங்கியது. கடந்த ஆண்டில் பார்வையாளர்களிடம் பெரும் வரவேற்பைப் பெற்ற தொகுப்பாளர் விஜய் சேதுபதி, இந்த சீசனிலும் தனது தனித்துவமான ஸ்டைல் மற்றும் ஹ்யூமருடன் நிகழ்ச்சியை நடத்தி வருகிறார்.

இந்த ஆண்டு பிக் பாஸ் வீட்டில் சோஷியல் மீடியா இன்ஃப்ளுவன்சர்கள், கன்டென்ட் கிரியேட்டர்கள், பிரபல சீரியல் நடிகர்கள், யூடியூபர்கள் உள்ளிட்ட பல்வேறு துறைகளிலிருந்து மொத்தம் 20 போட்டியாளர்கள் கலந்து கொண்டுள்ளனர். ஒவ்வொருவரும் தங்களுக்கென தனி ரசிகர்கள் வட்டத்தை கொண்டிருப்பதால், இந்த சீசன் இன்னும் அதிகமாக சுவாரஸ்யமாக அமையும் என ரசிகர்கள் எதிர்பார்க்கின்றனர்.

இதற்கிடையில், இன்று (அக். 6) வெளியான பிக் பாஸ் 9-ன் மூன்றாவது புரோமோவில், போட்டியாளர்களிடையே முதல் பெரிய வாக்குவாதம் வெடித்துள்ளது. திவாகர் மற்றும் பிரவீன் தேவசகாயம் இடையே ஏற்பட்ட கருத்து வேறுபாடு கடும் வாக்குவாதமாக மாறுகிறது. அதில் கெமி இடைநுழைந்ததும், சூழல் மேலும் பதற்றமாகி, தகராறு திவாகர் மற்றும் கெமி இடையே கடுமையான வார்த்தை சண்டையாக மாறுகிறது.

இந்த புரோமோ தற்போது இணையத்தில் வைரலாகி, ரசிகர்கள் மத்தியில் பெரும் விவாதமாகியுள்ளது. பிக் பாஸ் வீடு முதல் வாரத்திலேயே இவ்வளவு சூடாகி இருப்பது, இந்த சீசன் முழுவதும் நிறைய டிராமாக்கள் மற்றும் திருப்பங்கள் காத்திருக்கின்றன என்பதற்கே சாட்சி!