ஆதிக் ரவிச்சந்திரன் வெளியிட்ட AK 64 அப்டேட் – தரமான நிகழ்வு விரைவில்

2025ஆம் ஆண்டின் பெரிதும் எதிர்பார்க்கப்பட்ட படங்களில் ஒன்று ‘குட் பேட் அக்லி’. அஜித் நடித்த அந்தப்படத்தை, அவரது தீவிர ரசிகரான இயக்குநர் ஆதிக் ரவிச்சந்திரன் இயக்கி இருந்தார்.

அந்த படம் ரசிகர்கள் மத்தியில் பரபரப்பை ஏற்படுத்தி, பாக்ஸ் ஆபிஸில் பெரும் வெற்றியை பெற்றது. பலரும் அந்த படத்தை “ஃபேன் பாய் தரமான சம்பவம்” என புகழ்ந்து பேசினர். அந்த வெற்றியின் பின்புலத்தில், மீண்டும் அஜித் – ஆதிக் கூட்டணி அமைந்துள்ளது. இந்த கூட்டணியின் அடுத்த முயற்சியாக உருவாகவிருப்பது AK 64.

இப்படம் குறித்த அதிகாரப்பூர்வ அறிவிப்பு இன்னும் வெளியாகவில்லை என்றாலும், வேலைகள் தீவிரமாக நடைபெற்று வருவதாகவே கூறப்படுகிறது. அஜித் தனது கார் ரேசிங் போட்டிகளை முடித்து வந்தவுடன், AK 64 படப்பிடிப்பு துவங்கும் என தகவல்கள் வெளிவந்துள்ளன.

ஆதிக்கின் அப்டேட்

ஏற்கனவே “AK 64-ஐ நான்தான் இயக்கப் போகிறேன்” என உறுதி கூறிய ஆதிக் ரவிச்சந்திரன், சமீபத்தில் நடைபெற்ற செய்தியாளர் சந்திப்பில் இப்படம் குறித்து லேட்டஸ்ட் அப்டேட்டை பகிர்ந்துள்ளார்.

அவர் கூறியதாவது:கடைசியாக அஜித் சார் நடிப்பில் ‘குட் பேட் அக்லி’ படத்தை முடித்தோம். இப்போது அடுத்த படத்திற்காக வேலைகள், முன் தயாரிப்புப் பணிகள் நடந்து கொண்டு இருக்கின்றன.

இதற்கிடையில், “அஜித் சார் மாதிரி இல்லாமல், விஜய் சேதுபதி போன்ற பிற ஹீரோக்களுடன் நீங்கள் படம் எடுக்க வாய்ப்பு இருக்கிறதா?” என ஒருவர் கேள்வி கேட்டார். அதற்கு ஆதிக், கண்டிப்பாக பண்ணலாம் சார். கதைக்கு எது தேவைப்படுகிறதோ அதன்படி யாரையும் வைத்து படம் எடுக்கலாம் என பதிலளித்தார்.

இந்த அப்டேட் வெளிவந்ததையடுத்து, அஜித் ரசிகர்களிடம் புதிய ஆர்வம் உருவாகி இருக்கிறது. “AK 64 எப்போது அறிவிக்கப்படும்?” என்ற கேள்வி தற்போது ரசிகர்களிடையே பரபரப்பை கிளப்பியுள்ளது.