“2026 பொங்கல் வின்னர் யார்? விநியோகஸ்தர் உறுதி செய்த ‘தலைவர் தம்பி தலைமையில்’”

2026 பொங்கல் பண்டிகையை முன்னிட்டு வெளியான தமிழ்ப் படங்களில் பராசக்தி, வா வாத்தியார் மற்றும் தலைவர் தம்பி தலைமையில் (TTT) ஆகிய படங்கள் கடும் போட்டியில் மோதின. பராசக்தி மற்றும் வா வாத்தியார் படங்களுக்கு கலவையான விமர்சனங்கள் கிடைத்தாலும், வசூல் மற்றும் திரையரங்கு வருகை ஆகியவற்றில் நல்ல தொடக்கம் காணப்பட்டது. ஆனால் தொடர்ந்து வெளியாகி ரசிகர்களிடையே வாய் வழி பாராட்டுகளை குவித்த தலைவர் தம்பி தலைமையில் படம், குடும்ப ரசிகர்கள் முதல் இளைஞர்கள் வரை அனைவரையும் கவர்ந்ததாக கூறப்படுகிறது.

இதனிடையே, பொங்கல் பந்தயத்தில் எந்த படம் உண்மையான வெற்றியாளன் என்ற கேள்விக்கு பதிலளிக்கும் வகையில், பிரபல விநியோகஸ்தர் தெரிவித்த தகவல் தற்போது கவனம் பெற்றுள்ளது. அவரின் கணக்கீட்டுப்படி, திரையரங்கு கூட்டம், தொடர்ச்சியான ஓட்டம் மற்றும் ரசிகர் வரவேற்பு ஆகிய அடிப்படைகளில் 2026 பொங்கல் வின்னர் ‘தலைவர் தம்பி தலைமையில் (TTT)’ என உறுதியாகியுள்ளது. இந்த அறிவிப்பு வெளியானதுடன், பொங்கல் ரேஸ் குறித்த விவாதங்கள் சமூக வலைதளங்களிலும் சினிமா வட்டாரங்களிலும் பரபரப்பாக பேசப்பட்டு வருகிறது.