“சம்பள விவகாரம் குறித்து பரபரப்பு முடிவு! விஜய்– ஜனநாயகன் டீம் விளக்கம்”

எச். வினோத் இயக்கத்தில் நடிகர் விஜய் நடித்துள்ள ‘ஜன நாயகன்’ படம் முழுமையாக முடிந்து, வெளியீட்டு பணிகள் வேகமாக நடைபெற்று வருகின்றன. பூஜா ஹெக்டே, பாபி தியோல், மமிதா பைஜூ, பிரியாமணி உள்ளிட்ட பலர் முக்கிய கதாபாத்திரங்களில் நடித்துள்ள இந்த படத்திற்கு அனிருத் இசையமைத்துள்ளார்.

பொங்கலை முன்னிட்டு 2026 ஜனவரி 9 அன்று படத்தை உலகம் முழுவதும் வெளியிட திட்டமிடப்பட்டுள்ள நிலையில், கடந்த சில நாட்களாக சமூக வலைதளங்களில் “சம்பள நிலுவை காரணமாக விஜயின் டப்பிங் தாமதமாயிற்று” என்ற வதந்தி பரவியது.

இதற்கு அதிகாரப்பூர்வமாக பதிலளித்த படக்குழுவினர், அந்த தகவல்கள் முழுவதும் தவறானவை எனவும், விஜய் தனது டப்பிங் பணிகளை முழுமையாக முடித்துவிட்டார், மேலும் அவருக்கான சம்பளமும் முழுமையாக வழங்கப்பட்டுவிட்டது எனவும் தெளிவு படுத்தினர்.

விஜயின் கடைசி திரைப்படமாக ‘ஜன நாயகன்’ உருவாகி வருவதால், ரசிகர்களிடையே இந்த படத்துக்கு ஏற்கனவே பிரம்மாண்டமான எதிர்பார்ப்பு உருவாகியுள்ளது. தமிழ்நாட்டில் மட்டும் திரையரங்கு உரிமைகள் ரூ.105 கோடிக்கு விற்கப்பட்டுள்ளதாக தொழில்துறை வட்டாரங்கள் தெரிவிக்கின்றன.

இதன் தொடர்ச்சியாக, அடுத்த மாதம் டிசம்பர் 27 ஆம் தேதி மலேசியாவில் நடைபெற உள்ள பெரும் விழாவாகிய ஆடியோ லாஞ்ச் நிகழ்ச்சிக்கு தயாரிப்புக் குழு தீவிரமாக பணியாற்றி வருகிறது.