பாடகர் ஹர்ஷவர்தன் தமிழில் நாயகனாக அறிமுகம்

பாடகர் ஹர்ஷவர்தன் தற்போது தமிழ் திரையுலகில் கதாநாயகனாக அறிமுகமாகத் தயாராக இருப்பதாக தகவல்கள் வெளியாகியுள்ளன. சமீப காலங்களில் இன்டிபென்டன்ட் மியூசிக் ஆல்பங்களுக்கு அதிக வரவேற்பு கிடைத்து வரும் நிலையில், அந்த தளத்தின் மூலம் பிரபலமான ஹர்ஷவர்தன் தனது திறமையை நடிகராகவும் நிரூபிக்க முனைந்துள்ளார்.

அவர் வெளியிட்ட “மாயம் நீயடி” என்ற மியூசிக் ஆல்பம் ரசிகர்களிடையே நல்ல கவனம் பெற்றதுடன், இசை, பாடல், நடனம் ஆகியவற்றில் அவரது பல்திறமையை வெளிப்படுத்தியது. சமூக வலைதளங்களில் ஏற்கனவே தனக்கென ரசிகர் வட்டத்தை உருவாக்கியுள்ள ஹர்ஷவர்தன், தற்போது முழுநீள தமிழ் திரைப்படத்தில் கதாநாயகனாக நடிக்க இருப்பது திரையுலகில் புதிய எதிர்பார்ப்பை ஏற்படுத்தியுள்ளது. இதுகுறித்த அதிகாரப்பூர்வ அறிவிப்பு விரைவில் வெளியாகும் என கூறப்படுகிறது.