தாலியின் ஈரம் காயும் முன்பே புது மாப்பிள்ளை செய்த அதிர்ச்சி செயல்! “தப்பாகிவிட்டதே…” என்று கதறும் மனைவி – நடந்தது என்ன?

திருவள்ளூர் மாவட்டம் செவ்வாப்பேட்டையில் அதிர்ச்சி சம்பவம் நடந்துள்ளது. திருமணமாகி வெறும் 20 நாட்களிலேயே, மனைவியுடன் ஏற்பட்ட தகராறை காரணமாக தனியார் பள்ளி வேன் ஓட்டுநர் உயிரை மாய்த்துக் கொண்டார்.

திருமணமான 20 நாட்களிலேயே சோக முடிவு

செவ்வாப்பேட்டை பகுதியை சேர்ந்த கார்த்திகேயன் (37) தனியார் பள்ளியில் வேன் ஓட்டுநராக வேலை செய்து வந்தார். அவருக்கு இந்த மாதம் 4ம் தேதி ஜெயஸ்ரீ (25) என்பவருடன், இரு வீட்டாரின் சம்மதத்துடன் திருமணம் நடந்தது. ஆனால், திருமணமான சில நாட்களிலிருந்தே கணவன்-மனைவிக்கு இடையே சிறு சிறு விஷயங்களில் கருத்து வேறுபாடுகள் ஏற்பட்டதாக கூறப்படுகிறது.

தகராறுக்குப் பிறகு தற்கொலை

நேற்று முன்தினம் இரவு, இருவருக்கும் இடையே மீண்டும் தகராறு ஏற்பட்டது. அதனால் மனமுடைந்த கார்த்திகேயன், நேற்று அதிகாலை 3 மணியளவில், மனைவியை படுக்கையறைக்குள் பூட்டிவிட்டு, மற்றொரு அறையில் மின்விசிறியில் தூக்கிட்டு தற்கொலை செய்து கொண்டார். கதவு தாழ்ப்பாள் போட்டிருப்பதை கண்ட ஜெயஸ்ரீ, ஜன்னல் வழியாக உதவி கோரி கூச்சலிட்டார்.

அதிர்ச்சி அடைந்த குடும்பத்தினர்

சத்தம் கேட்டு அக்கம் பக்கத்தினர் மற்றும் எதிர் வீட்டில் வசித்து வந்த கார்த்திகேயனின் பெற்றோர் விரைந்து வந்தனர். அப்போது ரோந்து பணியில் இருந்த செவ்வாப்பேட்டை போலீசாரும் சம்பவ இடத்திற்கு வந்தனர். கதவை உடைத்து உள்ளே சென்றபோது, கார்த்திகேயன் தூக்கில் தொங்கிய நிலையில் கிடந்ததை கண்டு பெற்றோரும் மனைவியும் கதறி அழுதனர்.

போலீஸ் விசாரணை

தகவல் அறிந்த போலீசார் உடலை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பினர். சம்பவம் தொடர்பாக வழக்குப்பதிவு செய்து விசாரணை நடத்தி வருகின்றனர். திருமணமாகி 20 நாட்களிலேயே புதுமாப்பிள்ளை உயிரை மாய்த்துக்கொண்ட இந்த சோகம், செவ்வாப்பேட்டை பகுதியை முழுவதுமாக உலுக்கியுள்ளது.