🎥 ஜனநாயகன் ரீமேக் சர்ச்சை: இன்று வெளியாகும் ட்ரெய்லர் பதில் தருமா?

விஜய் நடித்துள்ள ‘ஜனநாயகன்’ படம் ரீமேக்கா என்ற கேள்வி, தற்போது தமிழ் திரையுலகில் பரபரப்பான விவாதமாக மாறியுள்ளது. இந்த படம் தெலுங்கில் வெளியான ‘பகவந்த் கேசரி’யின் ரீமேக்கா என்ற தகவல்களுக்கு பதிலளித்த இயக்குநர் ஹெச்.வினோத், ரசிகர்களுக்கு சுவாரசியமான விளக்கத்தை அளித்துள்ளார். “ரீமேக் என்ற விவரங்களைப் பற்றி படம் பார்க்க வருபவர்கள் கவலைப்பட வேண்டிய அவசியமில்லை. முதல் காட்சி முடிந்தவுடன் அதற்கான பதில் தானாகவே தெரிந்துவிடும்” என அவர் தெரிவித்துள்ளார்.

மேலும், இந்த ரீமேக் விவகாரத்தில் தன்னால் ‘ஆம்’ என்றும் ‘இல்லை’ என்றும் உறுதியாக சொல்ல முடியாது என்றும் ஹெச்.வினோத் கூறியிருப்பது ரசிகர்களின் ஆர்வத்தை மேலும் அதிகரித்துள்ளது. இதற்கிடையில், இன்று (ஜனவரி 3) மாலை ‘ஜனநாயகன்’ படத்தின் ட்ரெய்லர் வெளியாக உள்ளதால், அந்த ட்ரெய்லர் இந்த சந்தேகங்களுக்கு ஓரளவு விடை தருமா என்ற எதிர்பார்ப்பில் ரசிகர்கள் ஆவலுடன் காத்திருக்கின்றனர். 🎬🔥