ஆண்பாவம் பொல்லாதது பாக்ஸ் ஆபிஸ் ரிப்போர்ட் இதோ!

அறிமுக இயக்குநர் கலையரசன் தங்கவேல் இயக்கத்தில் ரியோ ராஜ் நடிப்பில் கடந்த மாதம் வெளியான ஆண்பாவம் பொல்லாதது படம், மக்கள் மத்தியிலும், ரசிகர்களிடமும் நல்ல வரவேற்பைப் பெற்று வெற்றிகரமாக திரையரங்குகளில் ஓடிக்கொண்டிருக்கிறது.

ரியோவுக்கு ஜோடியாக மாளவிகா மனோஜ் நடித்துள்ளார். இதற்கு முன்பு ‘ஜோ’ படத்தில் இணைந்து நடித்திருந்த இவர்களின் ஜோடி மீண்டும் ரசிகர்களை கவர்ந்துள்ளது. அதோடு விக்னேஷ்காந்த், ஷீலா, ஜென்சன் ஆகியோரும் முக்கிய கதாபாத்திரங்களில் நடித்துள்ளனர். படத்திற்கு சித்து குமார் இசையமைத்துள்ளார்.

வெளியான பிறகு தொடர்ந்து நல்ல விமர்சனங்களோடு, 15 நாட்களை வெற்றிகரமாக கடந்து இருப்பது குறிப்பிடத்தக்கது. புதிய தகவலின்படி, 15 நாட்களில் உலகளவில் ரூ.17.9 கோடி வசூல் செய்துள்ளதாக தகவல் வெளியாகியுள்ளது.