8 ஆண்டுகளுக்குப் பிறகும் பாகுபலி பீவர் — உலகளவில் அதிரடி வசூல் சாதனை!

எஸ்.எஸ். ராஜமௌலி இயக்கத்தில் பிரபாஸ், ராணா டக்குபதி, ரம்யா கிருஷ்ணன், அனுஷ்கா ஷெட்டி, தமன்னா பாட்டியா, நாசர் உள்ளிட்ட பிரபல நடிகர்கள் நடித்த பாகுபலி திரைப்படத் தொடர் இந்திய சினிமாவின் வரலாற்றில் இடம்பிடித்த பெரும் வெற்றி படங்களாகும்.

இரண்டு பாகங்களும் இணைந்து உலகளவில் மொத்தமாக ரூ. 2400 கோடிக்கும் அதிகமான வசூலைப் பெற்று, இந்திய சினிமாவின் மிக உயர்ந்த வசூல் சாதனை படங்களில் ஒன்றாக திகழ்கின்றன.

இந்த இரண்டு திரைப்படங்களின் மகத்தான காட்சிகள் மற்றும் கதையையும் ஒருங்கிணைத்து, “பாகுபலி: தி எபிக்” என்ற சிறப்பு தொகுப்பு வடிவம் கடந்த அக்டோபர் 31ஆம் தேதி உலகளவில் வெளியிடப்பட்டது. புதிய எடிட்டிங், மேம்படுத்தப்பட்ட ஒளிப்பதிவு தரம், மற்றும் ரீமாஸ்டர் செய்யப்பட்ட சவுண்ட் டிசைன் ஆகியவற்றுடன் வெளியான இந்த பதிப்பு ரசிகர்களிடையே மீண்டும் பெரும் வரவேற்பைப் பெற்றுள்ளது.

உலகளவில் 1150க்கும் அதிகமான திரையரங்குகளில் படம் ஒரே நேரத்தில் வெளியாகி, முதல் நாளிலேயே சுமார் ரூ. 10 கோடிக்கும் மேல் டிக்கெட் முன்பதிவில் விற்பனையானது. தொடர்ந்து வார இறுதிக்குள் மொத்தமாக ரூ. 50 கோடிக்கும் மேல் வசூல் செய்துள்ளது என்ற தகவல் வெளியாகியுள்ளது.

இதன் மூலம் பாகுபலி பிராண்டின் புகழ் இன்னும் குறையாமல், எட்டு ஆண்டுகள் கடந்தும் ரசிகர்களிடையே அதே அளவு உற்சாகத்தையும் பெருமையையும் ஏற்படுத்தி வருவதை இந்த “பாகுபலி: தி எபிக்” வெற்றி மீண்டும் நிரூபித்துள்ளது.