“விடுதலை படத்தின் முதல் பாடல்..! ரிலீஸ் தேதி அறிவிப்பு!”

இசைஞானி இளையராஜா இசையில் தனுஷ் பாடிய பாடல் வரும் பிப்ரவரி 8ஆம் தேதி ரிலீஸ் ஆக இருப்பதாக தகவல் வெளியாகியுள்ளன.

தேசிய விருது பெற்ற இயக்குனர் வெற்றிமாறன் இயக்கத்தில் சூரி, விஜய்சேதுபதி நடிப்பில் உருவாகிய திரைப்படம் ’விடுதலை’. இரண்டு பாகங்களாக உருவாகி உள்ள இந்த படத்தின் முதல் பாகம் விரைவில் ரிலீஸ் ஆகும் என்று எதிர்பார்க்கப்படுகிறது.

இந்த நிலையில் இந்த படத்தின் படப்பிடிப்பு முடிவடைந்து இறுதிகட்ட போஸ்ட் புரடொக்சன்ஸ் பணிகள் நடைபெற்று வரும் நிலையில் தற்போது புரமோஷன் பணிகளை தொடங்கப்பட குழுவினர் திட்டமிட்டுள்ளனர்.

முதல் கட்டமாக இந்த படத்தின் சிங்கிள் பாடலை வெளியிட முடிவு செய்துள்ளதாகவும், இசைஞானி இளையராஜாவின் இசையில் தனுஷ் பாடிய பாடல் வரும் 8ஆம் தேதி வெளியாகும் என தகவல்கள் வெளியாகி உள்ளன.

சூரி, விஜய் சேதுபதி, கெளதம் மேனன், பவானிஸ்ரீ, பிரகாஷ்ராஜ், ராஜீவ் மேனன் உள்பட பல்ரது நடிப்பில் உருவான இந்த படத்தை ஆர்.எஸ்.இன்ஃபோடெயின்மெண்ட் நிறுவனம் தயாரித்துள்ளது. வேல்ராஜ் ஒளிப்பதிவில் உருவான இந்த படத்தை தமிழகத்தில் ரெட் ஜெயண்ட் மூவிஸ் நிறுவனம் வெளியிடுகிறது என்பது குறிப்பிடத்தக்கது.