ஜடேஜா மீண்டும் அதிருப்தி! அணியை விட்டு வெளியேறுகிறாரா?!

ஐபிஎலில் சென்னை சூப்பர் கிங்ஸ் அணி வெற்றிகரமான அணியாக திகழ்ந்து வருகிறது. கேப்டன் மகேந்திரசிங் தோனி, அணியை மிகச்சிறப்பாக வழிநடத்தி, இதுவரை 4 கோப்பைகளை வென்றுகொடுத்துள்ளார். தற்போது 16ஆவது சீசனிலும் கூட சிஎஸ்கே சிறப்பாக விளையாடி 2ஆவது இடத்தை பிடித்துள்ளது. 34 வயதாகும் ரவீந்திர ஜடேஜா கடந்த சீசனில் சிறப்பாக செயல்படவில்லை. கேப்டன் பதவி கொடுத்தப் பிறகு, அழுத்தங்கள் காரணமாக பேட்டிங், பந்துவீச்சு, பீல்டிங் என அனைத்திலும் படுமோசமாக சொதப்பினார். அணியும் தொடர் தோல்விகளை சந்தித்ததால் கேப்டன் பதவி பறிக்கப்பட்டது.

இதனைத் தொடர்ந்து நிர்வாகம் மற்றும் கேப்டன் தோனி ஆகியோர் 16ஆவது சீசனுக்கு முன், ஜடேஜாவை சந்தித்துப் பேசி பிரச்சினையை சரிசெய்தனர். தற்போது ஜடேஜா சிஎஸ்கேவுக்காக விளையாடி வருகிறார். இந்நிலையில், சிஎஸ்கேவை விமர்சித்து பதிவு போட்டிருந்த ஒருவரது ட்வீட்டுக்கு ரவீந்திர ஜடேஜா லக்போட்டு, அதிர்ச்சியை ஏற்படுத்தியுள்ளார்.

ராஜ்குமார் என்ற அந்த ரசிகர்கள் வெளியிட்ட ட்வீட்டில், ”அணி ரசிகர்கள் உங்களுக்கு ஆதரவு தராமல், உங்களது விக்கெட்டை எதிர்பார்த்து காத்திருந்தால், எப்படி இருக்கும். ஜடேஜா இதுகுறித்து பேசும்போது சிரித்துக்கொண்டே பேசிவிட்டார். ஆனால், உள்ளுக்குள் அவருக்கு நிச்சயம் வலிகள் இருக்கும். இந்த சீசனில் 3 முறை ஆட்டநாயகன் விருதுகளை வென்ற வீரருக்கு இப்படியா அவமரியாதை செய்வது?” என ட்வீட் செய்துள்ளார்.

இதனை ஜடேஜா லக் செய்திருப்பது பெரிய பிரச்சினையாக பார்க்கப்படுகிறது. சமீபத்தில் பேசியிருந்த ஜடேஜா, ”தோனிக்கு முன்பே களமிறங்கிவிட்டால், அனைவரும் தோனி, தோனி என முழக்கமிட ஆரம்பித்துவிடுகிறார்கள். தோனியின் பேட்டிங்கை பார்க்க வேண்டும் என்ற ஆர்வத்தில் களத்தில் இருக்கும் நாங்கள் அவுட் ஆக வேண்டும் என கடவுளிடம் வேண்டுகிறார்கள். ரசிகர்களின் எதிர்பார்ப்புகளைவிட மிக அதிகமாகவே உழைக்கிறோம். அப்படியிருந்தும் அவுட் ஆக வேண்டும் என விரும்புகிறார்கள்” என சிரித்துக்கொண்டே பேசியிருந்தார்.

Jaddu saying this with a smile but lot of pain inside… Belive me it's a trauma ! Imagine your own team spectators not supporting you waiting for your wicket! Still criticizing you even after winning 3 man of the matches !@imjadeja you are prince of @ChennaiIPL ❤️🛐 pic.twitter.com/QrSG8sRcV5

— Dr Rajkumar (@I_Raj13) May 10, 2023

இந்நிலையில், சிஎஸ்கேவை விமர்சித்து போட்டிருந்த ட்வீட்டுக்கு ஜடேஜா லைக் செய்துள்ளார். இதன்மூலம், ஜடேஜா இந்த விவகாரம் குறித்து சிஎஸ்கே நிர்வாகம் மீது மீண்டும் அதிருப்தியில் இருக்கிறாரோ என பலம் கேள்வி எழுப்பி வருகிறார்கள். கடந்த முறை, சிஎஸ்கே மீது அதிருப்தியில் இருந்தபோதும் இன்ஸ்டாகிராம், ட்விட்டர் மூலம்தான் ஜடேஜா இப்படி மறைமுகமாக அதிருப்தியை வெளிப்படுத்தி வந்தார். இந்நிலையில், இந்த விவகாரத்திலும் ஜடேஜா அதேபோல் நடந்துகொள்வது நிச்சயம் பிரச்சினைக்குறியதாகத்தான் பார்க்கப்படுகிறது. சிஎஸ்கே நிர்வாகம், தோனி ஆகியோர் இந்த பிரச்சினை குறித்து கண்டுகொள்ளாமல், அறிக்கை கூட வெளியிடாமல் இருப்பதால்தான், ஜடேஜா அதிருப்தியில் இருப்பதாக கிரிக்கெட் விமர்சகர்கள் கருதுகிறார்கள்.