“பெரும் தொகைக்கு விற்பனையான Jailer படத்தின் OTT உரிமம்! எவ்வளவு தெரியுமா?!”

சூப்பர் ஸ்டார் ரஜினிகாந்தின் ஜெயிலர் படம், ஜாக்பாட் அடித்த தயாரிப்பாளர் கலாநிதி மாறன், அவருக்கு ஒரு புத்தம் புதிய சொகுசு கார் மற்றும் காசோலையில் ரூ. 100 கோடி லாப பங்கையும், சம்பளமாக ரூ. 110 கோடியையும் பரிசாக வழங்கினார். இதன் மூலம் இந்தியாவிலேயே அதிக சம்பளம் வாங்கும் நடிகராக ரஜினி மாறியுள்ளார். இதற்கு முன்பு 2006 ஆம் ஆண்டு சந்திரமுகி படத்திற்காக 45 கோடி ரூபாய்க்கு மேல் பெற்றபோது ரஜினிகாந்த் நாட்டிலேயே அதிக சம்பளம் வாங்கும் நடிகராக இருந்தார்.

இந்நிலையில் ஜெயிலர் படத்தின் ஓடிடி உரிமம் பற்றிய தகவல் வெளியாகி உள்ளது. அதன் படி, நெட்ஃபிளிக்ஸ் படத்தின் அனைத்து மொழி ஓடிடி உரிமையையும் வாங்கி உள்ளது. சுமார் 100 கோடி ரூபாய் கொடுத்து ஓடிடி நிறுவனம் வாங்கி இருக்கிறது. அத்துடன் படம் வரும் 7 ஆம் தேதி ஸ்ட்ரீமிங் செய்ய உள்ளதாக சொல்லப்படுகிறது.

ஜெயிலர் படத்தை சுமார் 240 கோடி ரூபாய் பட்ஜெட்டில் கலாநிதி மாறன் தனது சன் பிக்சர்ஸ் பேனரில் தயாரித்துள்ளார். ஸ்லோ பர்ன் ஆக்‌ஷன் த்ரில்லரான இந்தத் திரைப்படம் தென்னிந்தியத் திரைப்படத் தொழில்களுக்கு அதன் பாக்ஸ் ஆபிஸ் சாதனைகளுடன் ஒரு புதிய அளவுகோலை அமைத்தது. ஜெயிலரின் உலகளாவிய வசூல் செப்டம்பர் 1 நிலவரப்படி சுமார் 602 கோடி ரூபாய் ஆகும்.

இப்படத்தில் ரஜினிகாந்த், ஜாக்கி ஷெராப், சிவ ராஜ்குமார், சுனில், ரம்யா கிருஷ்ணன், விநாயகன், மிர்னா மேனன், தமன்னா பாட்டியா, வசந்த் ரவி, நாக பாபு, யோகி பாபு, கிஷோர், ஜி மாரிமுத்து, நமோ நாராயணா, சரவணன், அறந்தாங்கி நிஷா ஆகியோர் நடித்துள்ளனர்.

Jailer's in town, it's time to activate vigilant mode! 🔒🚨#JailerOnPrime, Sept 7 pic.twitter.com/2zwoYR6MqV

— prime video IN (@PrimeVideoIN) September 2, 2023