‘ஜன நாயகன்’க்கு புதிய சிக்கல்! ஓடிடி உரிமம் ரத்து

நடிகர் விஜய் நடித்துள்ள ‘ஜன நாயகன்’ திரைப்படத்தின் வெளியீட்டைச் சுற்றி தற்போது புதிய தகவல்கள் வெளியாகி ரசிகர்களிடையே பெரும் பரபரப்பை ஏற்படுத்தியுள்ளது. இந்த படத்தின் டிஜிட்டல் வெளியீட்டு உரிமையை முன்பே ஒரு முன்னணி ஓடிடி நிறுவனம் பெரிய தொகைக்கு வாங்கியிருந்ததாக கூறப்படுகிறது. ஆனால் படம் வெளியீடு தொடர்ந்து தாமதமாகும் சூழ்நிலை மற்றும் நிலவும் அரசியல் காலக்கட்டம் காரணமாக அந்த நிறுவனம் தற்போது தனது ஓடிடி ஒப்பந்தத்தை ரத்து செய்துள்ளதாக தகவல்கள் வெளியாகியுள்ளன.

மேலும் தமிழகத்தில் நடைபெறவுள்ள தேர்தலை கருத்தில் கொண்டு, ‘ஜன நாயகன்’ திரைப்படம் தேர்தல் முடிந்த பிறகே திரைக்கு வரலாம் என்ற தகவலும் திரையுலக வட்டாரங்களில் பரவி வருகிறது. விஜய் நடித்துள்ள இந்த படத்திற்கு ரசிகர்களிடையே ஏற்கனவே பெரிய எதிர்பார்ப்பு நிலவி வரும் நிலையில், ஓடிடி உரிமம் தொடர்பான இந்த புதிய தகவல் மேலும் ஆர்வத்தையும் விவாதத்தையும் தூண்டியுள்ளது. படம் எப்போது வெளியாகும் என்பது குறித்து அதிகாரப்பூர்வ அறிவிப்பை ரசிகர்கள் ஆவலுடன் எதிர்பார்த்து வருகின்றனர்.