சிறிய பட்ஜெட்டில் உருவாகும் கமல் – வினோத் கூட்டணி..!!!

கமல் மற்றும் வினோத் கூட்டணியில் உருவாகும் புதிய படத்தின் முக்கிய அப்டேட் வெளியாகியுள்ளது.

‘விக்ரம்’ படத்திற்கு அடுத்தடுத்து திரைப்படங்களில் பிசியாக நடிகர் கமல் நடித்து வருகிறார். தற்போது ஷங்கர் இயக்கத்தில் உருவாகும் ‘இந்தியன் 2’ படத்தில் நடித்து வருகிறார். இந்த படத்தின் படப்பிடிப்பு இறுதிக்கட்டத்தை எட்டிய நிலையில் க்ளைமேக்ஸ் காட்சிகள் படமாக்கப்பட்டு வருகிறது.

இந்த படத்தை முடித்து உடனடியாக எச்.வினோத் இயக்கத்தில் உருவாகும் படத்தில் நடிகர் கமல் இணையவுள்ளார். இந்த படத்திற்காக மொத்தம் 35 நாட்கள் மட்டுமே கால்ஷீட் கொடுத்துள்ளார். அதனால் படத்தை விரைவாக முடிக்க எச்.வினோத் திட்டமிட்டுள்ளார். இதற்கான முதற்கட்ட பணிகள் தொடங்கிய நடைபெற்று வருகிறது.

ராஜ் கமல் இன்டர்நேஷ்னல் நிறுவனம் தயாரிப்பில் உருவாகும் இந்த படத்தை சிறிய பட்ஜெட்டிலேயே தயாரிக்கவுள்ளனர் என்ற தகவலும் வெளியாகியுள்ளது. ஏனென்றால் எச் வினோத் படத்தை முடித்து உடனடியாக மணிரத்னம் இயக்கத்தில் உருவாகும் படத்தில் கமல் நடிக்கிறார். மிகவும் பிரம்மாண்டாக உருவாகும் இந்த படம் பெரிய பட்ஜெட்டில் உருவாகிறது என்பது குறிப்பிடத்தக்கது.