கொடிய கொலையாளியாக மாஸ் காட்டும் கீயானு ரீவ்ஸ்.! ‘ஜான் விக் – 4’ படத்தின் டிரைலர்

ஹாலிவுட் முதல் முதல் கோலிவுட் ரசிகர்கள் வரையில் பிரம்மாண்ட வரவேற்பு பெற்ற ஜான் விக் திரைப்படத்தின் நான்காம் பாகத்தின் ட்ரெய்லர் தற்போது வெளியாகியுள்ளது. பிரபல அமெரிக்க இயக்குனர் சாட் ஸ்டாஹெல்ஸ்கி இயக்கிய இந்தத் திரைப்படம் உலகளவில் மிகப்பெரிய பிளாக்பஸ்டராக மாறியது.

இந்த திரைப்படத்தின் அதிரடி காட்சிகள், கதை மற்றும் நடிகர் கீயானு ரீவ்ஸ் நடிப்பிற்காக விமர்சகர்களிடம் உலகளவில் பாராட்டை பெற்றது. இந்த படத்தின் முதல் மூன்று பாகங்களும் ஏற்கனவே வெளியாகி உலகம் முழுவதும் உள்ள ரசிகர்களை திரும்பி பார்க்க வைத்த நிலையில், தற்போது நான்காம் பாகம் மிரட்டலாக உருவாகியிருக்கிறது . சாட் ஸ்டெஹெல்ஸ்கி இயக்கியுள்ள இப்படத்தில் டோனி என், கினு ஈவ்ஸ், ஸ்காட் அட்கின்ஸ் ஆகியோர் நடிப்பில் பிரம்மாண்டமாக தயாராகி உள்ள இப்படத்தின் டிரைலர் வெளியாகி சமூக வலைதளங்களில் செம்ம வைரல் ஆகி வருகிறது.

அதிரடி ஆக்‌ஷன் காட்சிகளுடன் கூடிய இந்த டிரைலருக்கு அமோக வரவேற்பு கிடைத்து வருகிறது. பிரம்மிப்பூட்டும் காட்சிகள் அடங்கிய இந்த டிரைலரின் இறுதியில் இப்படத்தின் ரிலீஸ் தேதியும் அறிவிக்கப்பட்டு உள்ளது. அதன்படி ஜான் விக் படத்தின் 4-ம் பாகம் வருகிற 2023-ம் ஆண்டு மார்ச் மாதம் 24-ந் தேதி உலகமெங்கும் ரிலீஸ் ஆகும் என குறிப்பிட்டுள்ளனர்.