“ICC WC 2023: பாபர் அஸம் தலைமையில் உலகக்கோப்பைக்கான பாகிஸ்தான் அணி அறிவிப்பு!”

எதிர்வரும் உலகக் கோப்பை கிரிக்கெட் தொடருக்கான பாகிஸ்தான் அணி அறிவிக்கப்பட்டுள்ளது. பாபர் அஸம் தலைமையிலான பாக். அணியில் இளம் வேகப்பந்து வீச்சாளர் நசீம் ஷா காயம் காரணமாக இடம் பிடிக்கவில்லை. உலகக் கோப்பையை 2-வது முறையாக வெல்லும் நோக்கத்தில் அணியை அறிவித்துள்ளது பாகிஸ்தான் கிரிக்கெட் வாரியம்.

சர்வதேச கிரிக்கெட்டில் அசத்திய முன்னாள் வீரர்கள் இந்தியாவில் நடைபெறும் இந்தத் தொடரை வெல்லும் வாய்ப்புள்ள அணிகளில் ஒன்றாக பாகிஸ்தான் அணியை சுட்டிக்காட்டியுள்ளது குறிப்பிடத்தக்கது. அண்மையில் முடிந்த ஆசிய கோப்பை தொடரில் மோசமான தோல்விக்குப் பிறகு அந்த அணி உலக கோப்பை தொடரில் மீண்டு வந்து எழுச்சி காணும் என எதிர்பார்க்கப்படுகிறது.

உலகக் கோப்பை கிரிக்கெட் 2023 தொடர் அக்டோபர் 5-ம் தேதி முதல் நவம்பர் 19-ம் தேதி வரை இந்தியாவில் உள்ள 10 நகரங்களில் நடைபெறவுள்ளது. தொடரை இந்தியா நடத்துகிறது. போட்டியில் இந்தியா, நடப்பு சாம்பியன் இங்கிலாந்து, ஆஸ்திரேலியா, பாகிஸ்தான், இலங்கை, தென் ஆப்பிரிக்கா, நியூஸிலாந்து, வங்கதேசம், ஆப்கானிஸ்தான், நெதர்லாந்து ஆகிய 10 நாடுகள் பங்கேற்கின்றன.

🚨 Our squad for the ICC World Cup 2023 🚨#WeHaveWeWill | #CWC23 pic.twitter.com/pJjOOncm56

— Pakistan Cricket (@TheRealPCB) September 22, 2023

Pakistan Squad:

பாபர் அஸம் (கேப்டன்), ஷதாப் கான், ஃபகார் ஜமான், இமாம்-உல்-ஹக், அப்துல்லா ஷபீக், முகமது ரிஸ்வான், சவுத் ஷகீல், இப்திகார் அகமது, சல்மான் அலி ஆகா, முகமது நவாஸ், உசாமா மிர், ஹாரிஸ் ரவுஃப், ஹசன் அலி, ஷாஹின் ஷா அஃப்ரிடி, முகமது வாசிம்.