பிக்பாஸ் உடன் இணையும் விஜய் கூட்டணி?தளபதி 66 குறித்து வெளியான லேட்டஸ்ட் தகவல்

0
71

விஜய் லோகேஷ் கனகராஜ் இயக்கத்தில் மாஸ்டர் படத்தில் நடித்து முடித்துவிட்டார். அதன் இறுதிக்கட்ட பணிகள் தற்போது நடைபெற்று வருகிறது. அதன் ரிலீசுக்காகத் தான் விஜய் ரசிகர்கள் அனைவரும் தற்போது காத்திருக்கின்றனர். ஏப்ரல் 9ம் தேதி ரிலீஸ் என கூறப்பட்ட நிலையில் கொரோனா முழு அடைப்பு காரணமாக தியேட்டர்கள் மூடப்பட்டதால் ரிலீஸ் தடைபட்டது.

அடுத்து தளபதி 65 படத்தை சன் பிக்சர்ஸ் நிறுவனம் தயாரிக்கவுள்ளது என்றும், அதை முருகதாஸ் இயக்குகிறார் என்றும் கூறப்பட்டு வருகிறது.

விஜய்யின் 66வது படத்திற்காக தேனாண்டாள் நிறுவனத்துடன் விஜய் கூட்டணி சேர வாய்ப்பு உள்ளது என முன்பு கூறப்பட்டது வந்தது. விஜய் நடித்த மெர்சல் படத்தை அவர்கள் தன் தயாரித்து இருந்தனர். அந்த படம் நஷ்டம் என் வதந்திகள் பரவிய நிலையில் தயாரிப்பாளர் முரளி ராமசாமி அளித்த பேட்டியில் மெர்சல் படம் நஷ்டம் இல்லை என விளக்கம் கூறி இருந்தார். மேலும் விஜய் உடன் மீண்டும் ஒரு படத்தில் கூட்டணி சேர்வதற்காக பேச்சுவார்த்தை நடந்து வருகிறது என்றும் கூறி இருந்தார் அவர்.

ஆனால் தற்போது எண்டேமோல் நிறுவனம் தயாரிப்பதாக செய்திகள் வருவதால், தேனாண்டாள் நிறுவனம் மற்றும் எண்டேமோல் நிறுவனம் ஆகியவை இணைந்து தான் இந்த படத்தை தயாரிக்கலாம் என்கிற எதிர்பார்ப்பும் எழுந்துள்ளது.

மேலும் ஜூன் 22ம் தேதி விஜய்க்கு பிறந்தநாள் என்பதால் அன்று மாஸ்டர் படத்தின் ஸ்பெஷலான விஷயம் வெளிவரும் என்னு ரசிகர்கள் எதிர்பார்த்து காத்திருக்கின்றனர். மாஸ்டர் படத்தில் விஜய் கல்லூரி பேராசிரியராக நடித்து உள்ளார். போதை பழக்கத்திற்கு அடிமையான கதாபாத்தித்தில் தான் அவர் நடித்துள்ளார் என்றும் கூறப்பட்டு வருகிறது. கொரோனாவால் தடைபட்டுள்ள மாஸ்டர் படத்தின் புதிய ரிலீஸ் தேதி என்ன என்பது தியேட்டர்கள் மீண்டும் திறக்கப்பட்ட பிறகுதான் வெளியாகும் ஏன் தெரிகிறது.