ஜெயிலில் சுசித்ரா உடன் இருப்பது தான் பாலாஜிக்கு பெரிய தண்டனை…வறுத்தெடுக்கும் நெட்டிசன்கள்

0
8

பிக்பாஸ் 4 ஷோவில் தொடர்ந்து மூன்று வாரங்களாக டாஸ்குகளில் சொதப்பி வருகிறார் பாலாஜி முருகதாஸ். சென்ற வாரம் வழங்கப்பட்ட பாட்டி சொல்லை தட்டாதே டாஸ்கில் அவர் தவறான விஷயங்களை செய்ததால் மொத்த டாஸ்க்கும் திசை மாறி போனது. அதனால் மொத்த வீட்டிற்கும் luxury பட்ஜெட் காலி ஆனது.அதனை தொடர்ந்து இந்த வாரமும் பாலாஜி மணிக்கூண்டு டாஸ்கில் சொதப்பினார். தவறாக இருக்கும் நேரத்தை சரி செய்கிறேன் என கூறி மூன்று மணி நேரத்தை ஒன்றறை மணி நேரத்திற்கு முன்பே எண்ணி முடித்ததால் அவர்களது டீமின் நேர வித்யாசம் மிக அதிகம் ஆனது. இதனால் ரம்யா, சுசித்ரா, பாலா டீமில் இருந்து இருவரை தேர்ந்தெடுத்து ஜெயிலுக்கு அனுப்ப வேண்டும் என பிக் பாஸ் கேட்டுகொண்டார்.

அப்போது அனைவரும் சேர்ந்து சுசித்ரா மற்றும் பாலாவை ஜெயிலுக்கு அனுப்பினர். அவர்கள் அங்கு இருக்கும் போது குரூப்பிசம் பற்றி பேசி வாக்குவாதம் செய்துகொண்டிருப்பது இன்றைய இரண்டாவது ப்ரொமோ வீடியோவில் காட்டப்பட்டு இருக்கிறது.

இது பற்றி நெட்டிசன்கள் தற்போது கருத்து தெரிவித்து வருகிறார்கள். பாலாஜியை ஜெயிலுக்கு அனுப்பியது தண்டனை இல்லை, சுசித்ரா உடன் இருக்க வேண்டும் என்பது தான் பெரிய தண்டனை என அவர்கள் தெரிவித்து வருகிறார்கள்.