அதர்வாவின் ‘தள்ளி போகாதே’ படம் எப்படி இருக்கிறது..?-திரை விமர்சனம்

அதர்வா, அனுபமா பரமேஸ்வரன், அமிதாஷ் நடித்த ‘தள்ளி போகாதே’ திரைப்படம் நீண்ட தாமதத்திற்குப் பிறகு இன்று திரையரங்குகளில் வெளியாகியுள்ளது. ஆர் கண்ணன் இயக்கிய இப்படம் தெலுங்கில் நானி, ஆதி பினிசெட்டி, நிவேதா தாமஸ் நடித்த நின்னு கோரி படத்தின் ரீமேக் ஆகும்..எந்த ஒரு விளம்பரம் ப்ரோமோஷன் பணிகள் எதுவும் இல்லாமல் இந்த படம் ரிலீசாகி இருக்கு .சரி இதோ படத்தின் முதல் பார்வை இதோ…

படத்தின் கதை:

அதர்வா (கார்த்திக்), அனுபமா பரமேஸ்வரன் (பல்லவி )இருவரும் காதலர்கள். அனுபமா (பல்லவி ) வீட்டில் மாப்பிள்ளை பார்ப்பதால் ஓடிப் போய் திருமணம் செய்து கொள்ளலாம் என அதர்வாவைக் (கார்த்திக்) கட்டாயப்படுத்துகிறார். தன்னுடைய பி.ஹெச்டி படிப்பு முக்கியம் என அதற்கு மறுத்துவிட்டு டில்லி சென்றுவிடுகிறார். அதற்குள் அனுபமாவுக்கு, அமிதாஷ் பிரதானை திருமணம் செய்து வைத்துவிடுகிறார்கள். ஒரு இடைவெளிக்குப் பிறகு வெளிநாட்டில் இருக்கும் அதர்வாவும், அனுபமாவும் சந்தித்துக் கொள்கிறார்கள். அனுபமா கணவருடன் மகிழ்ச்சியா இல்லை என அதர்வா சொல்ல அதை மறுக்கிறார் அனுபமா. அதனால் நடக்கும் விவாதத்தில் அனுபமா வீட்டிற்கு வந்து அதர்வா 10 நாட்கள் தங்குவதென முடிவாகிறது. அதற்கு அனுபமா கணவர் அமிதாஷும் சம்மதிக்கிறார். தன் மீதான காதலை மறக்க முடியாமல் அனுபமா இருக்கிறார் எனத் தெரிந்தால் தன்னுடன் வர வேண்டும் என அதர்வா சவால் விடுக்கிறார். அதில் யார் வெற்றி பெற்றார்கள் என்பதுதான் படத்தின் மீதிக் கதை.

இந்த படம் நீண்ட நாட்களாக தாமதமாகி, கடைசியாக திரைக்கு வெளியாகிருச்சு என்பதை மட்டும் நினைத்து கூட ரசிகர்கள் சந்தோசப்படுகின்றனர் . அதர்வா நிச்சயமாக ஒரு நல்ல நடிகர், மேலும் அவர் தனது முந்தைய நடிப்பிலும் தனது திறமையை நிரூபித்துள்ளார். இந்த படத்தில் கார்த்திக் கதாபாத்திரத்தில் நடிக்க அதர்வா சிறந்த தேர்வாக இருக்கிறார், அவரது தோற்றமும் நடிப்பும் உங்களை அவர் மீது ரசிகர்கள் பார்வையை விழ வைக்கும். அனுபமா பரமேஸ்வரனும் சிறப்பாக நடித்துள்ளார். நீண்ட நாட்களுக்குப் பிறகு அமிதாஷை மீண்டும் திரையில் பார்ப்பது மகிழ்ச்சி அளிக்கிறது மற்றும் அவரது நடிப்பு பாராட்டத்தக்கது. அதர்வா மற்றும் அனுபமாவின் கெமிஸ்ட்ரி நன்றாக வேலை செய்திருக்கு.

இயக்குனர் ஆர் கண்ணன் நின்னு கோரியின் விசுவாசமான ரீமேக்கை வழங்கியுள்ளார் மற்றும் அனைத்து உணர்ச்சிகளையும் காட்சிகளையும் நன்றாகக் காட்டியுள்ளார். மனைவிக்கும் கணவனுக்கும் இடையே உள்ள நுட்பமான உறவையும், கடந்த கால வாழ்கை அவர்களின் பிணைப்பை எவ்வாறு பாதிக்கலாம், எப்படி பாதிக்காது என்பதையும் விளக்கும் உணர்வுப்பூர்வமான படம் இது. அனுபமா மற்றும் அதர்வாவின் நடிப்பு படத்தை மீண்டும் பார்க்க வைக்கும். பின்னணி இசை, பாடல்கள், ஒளிப்பதிவு என அனைத்தும் செர்ரி பழம் போல் உள்ளது. மொத்தத்தில்,தள்ளிப்போகாதே படம் ஒரு டீசென்ட் ரீமேக் முயற்சி.