கோவிலுக்குள் செல்ல நடிகை அமலா பாலுக்கு தடை..! 2023.ஆம் ஆண்டில் கூட மத பாகுபாடு…

தென்னிந்திய திரையுலகின் பிரபல நடிகையாக வலம் வருபவர் நடிகை அமலாபால். மலையாளம், தமிழ், தெலுங்கு என பிஸியாக வலம் வந்த இவர் 2014ம் ஆண்டு இயக்குனர் ஏ.எல்.விஜய்யை ஆசை ஆசையாக காதலித்து திருமணம் செய்துகொண்டார். பின் கருத்து வேறுபாடு காரணமாக 3 ஆண்டுகளில் இவர்களின் திருமண வாழ்கை முடிவுக்கு வந்தது .

இதையடுத்து அமலாபால் அடுத்தடுத்து நிறைய படங்கள் நடித்துவந்தாலும் அவருக்கு இன்று வரை பெரிய அளவில் ரீச் இல்லை.

இந்நிலையில் கடந்த திங்கட்கிழமை கேரள மாநிலம் எர்ணாகுளத்தில் உள்ள திருவைராணிக்குளம் கோவிலுக்கு சாமி தரிசனம் செய்வதற்காக சென்றுள்ளார். அங்கு இந்துக்களை மட்டுமே அனுமதிக்கும் வழக்கம் இருப்பதால் கிறிஸ்துவரான அமலாபால் உள்ளே செல்ல அனுமதிக்கப்படவில்லை.

கோவிலுக்கு எதிர்புறம் உள்ள சாலையில் நின்று தரிசனம் செய்யும்படி அங்குள்ளவர்கள் தன்னை கூறியதாக அமலாபால் வருத்தத்துடன் குற்றம்சாட்டி உள்ளார்.

இந்த சம்பவம் குறித்து கருத்து தெரிவித்துள்ளார் அவர் 2023.ம் ஆண்டில் கூட மத பாகுபாடு நிலவுவதை பார்க்கும்போது வருத்தமாக உள்ளது இனியாவது இது மாறும் என எதிர்ப்பார்ப்பதாக அவர் கூறியிருக்கிறார்.